Frábærum dansvetri er nú lokið – planið fyrir næsta haust

Kæru nemendur og forráðamenn. Við viljum þakka ykkur öllum fyrir að hafa tekið þátt í að skapa það jákvæða og skemmtilega andrúmsloft sem einkennir DansKompaní. Viðtökurnar á sýningunni á sunnudaginn voru hreint út sagt frábærar og við hefðum ekki getað beðið um meira.
Núna er vorönninni lokið og hefst haustönn í lok ágústmánaðar og verður haft samband við alla í vikunni með tölvupósti um áframhaldandi skráningu.

Þeir sem geta ekki hugsað sér að vera danslausir í sumar geta kíkt á framboð okkar á sumarnámskeiðum en þau eru fyrir bæði byrjendur og framhaldsnemendur og mjög sniðug fyrir þá sem vilja kynna sér skólann áður en vetrarstarfið hefst á ný.

Bestu kveðjur til ykkar allra,
Ásta, Dagmar, Guðríður, Leifur, Ósk og Snædís.